Rising Starဖြင့် တနေ့တာ
ဒီနေ့တော့ မတ်မတ်စု တစ်ယောက် စာလည်းမရေးနိုင်။ သွားလည်းသည်စိတ် စားလည်း သည်စိတ်ဖြစ်နေသည်။ ဟိုမေး သည်မေးနှင့် သူ့အကြောင်းကို ပို၍ သိချင်ပြီးရင်း သိချငိမိတော့သည်။ သူဆိုသည်က Rising Star ဂိမ်းပင်ဖြစ်တော့သည်။ မနေ့က ကိုဟင်၏ အကြံပေးချက်အရ Hive Myanmarမှ ဂိမ်းဆရာကြီးများထံ မေးရ မြန်းရသည်။ မတ်မတ်စု မေးမြန်းသမျှ စိတ်ရှည်သည်းခံ ဖြေကြားပေးသော @Donjuanနှင် @myanmar ko koတို့ကိုလည်း ကျေးဇူးအထူးတင်ပါသည်။
ဂိမ်းနှင့်ပတ်သက်လျှင် အတော်ဝေးသော မတ်မတ်စုအား ကကြီး ခခွေးမှ စ၍ စိတ်ရှည်စွာ ရှင်းပြပေးကျသည်။ တဆင့်ချင်း တဆင့်ချင်း အဆင်ပြေလားဟု စိတ်ပူစွာမေးတက်ကျသည်။ မတ်မတ်စုမှာလည်း ဆရာကောင်းများကြောင့် ဂိမ်း အကောင့်ထဲ ဝင်တက်သွားသလို ဂိမ်းလည်း စတင်ဆော့တက်လာပါပြီ။ Blockchain ဘာသာရပ်သည် ကျယ်ဝန်းလှသည်ကို တွေ့မြင်ရပါသည်။ လေ့လာ၍လည်း ကုန်မည်မထင်ပါ။ Hive Platformကြီးသည်လည်း ကျယ်ပြန့်လှပါ၏။
ကိုယ် အားသန်ရာ အားသန်ရာ မောင်းနှင် နေကျရင်း ငွေတိုငွေစလေးများကို ရှာဖွေနေကျသည်။ ဥပမာဆိုရသော် Hive platformကြီးသည် မိုင်းတွင်းကြီးတစ်တွင်းနှင့် အလားတူပင်ဖြစ်သည်။ ထို မိုင်းတွင်းထဲတွင် ပေါက်ပြားဖြင့် စိန်တူးသူလည်းရှိမည်။ ဓါးတစ်ချောင်းဖြင့် ရွှေစရှာသူလည်း ရှိမည်။ တူတစ်လက်ဖြင့် ကျောက်ရှာသူလည်း ရှိမည်။ ကိုယ်သန်ရာ သန်ရာ လက်နက်များဖြင့် အဖိုးတန်ရတနာများကို ရှာဖွေနေသကဲ့သို့ပင်။ တစ်ချို့လည်း စာရေးခြင်းဖြင့် တစ်ချို့လည်း ဂိမ်းကစားခြင်းဖြင့် တစ်ချို့လည်း ကွိုင်စုခြင်းဖြင့် ကျင်လည်နေကျလေသည်။
မတ်မတ်စု တစ်ယောက်သည်လည်း Steem platformမှ စတင်၍ စာရေးသားခြင်းတစ်မျိုးထဲဖြင့်သာ Steem powerများအားရှာဖွေစုဆောင်းခဲ့လေသည်။ ယခု Hive platformတွင်လည်း စာရေးခြင်းဖြင့်သာ Hive powerများဆက်လက် စုဆောင်းဖြစ်ပါသည်။ ယခုလိုကာလတွင် မတ်မတ်စု၌ အချိန်များ အတော်ပိုရှန်နေရာ ဂိမ်းဘက်သို့ အနည်းငယ် စိတ်ဝင်စားလာပါသည်။ အနည်းငယ် ကစားကြည့်မည်ဟု ဆုံးဖြတ်သည့်အတိုင်း လေ့လာမိပါသည်။ ထို့ကြောင့် မသိနားမလည်သည်များကို တက်သိနားလည်သူများက သင်ကြားပေးကျပါစေကုန်....😁😁😁
ဆရာမကြီး မစုလှိုင် ... post က ၂ ခုဖြစ်နေတယ် တခု ကို Decline Payout လုပ်လိုက်ပါအုံး... ပြီးတော့ စာပိုဒ် လေးတွေခွဲပေးပါလို့ ... အပြွတ်လိုက်ကြီးဆို ဖတ်ရတာ အဆင်မပြေဘူးရယ်။ 😁😀😃
😆😆😆လိုင်းကမကောင်းလို့ ကိုဟင် မတက်သေးဘူးထင်လို့ နောက်တစ်ခါနှိပ်ချလိုက်တာ
ဟုတ်တယ် ကိုဟင်ပြောတဲ့အတိုင်းပ။
!LOL
lolztoken.com
At least that's what she wrote in her diary.
Credit: henryglowz
@suhlaing, I sent you an $LOLZ on behalf of @htwegyi
Use the !LOL or !LOLZ command to share a joke and an $LOLZ. (4/4)
ဟုတ်ပ ဘထွေးရယ် 😁😁😁
မဆော့တတ်ဘူးလေ။ ဒီက ဒုံးဝေး ပတ်မဝေးဆိုတော့ ဘေးကနေလာထိုင်သင်ပေးမှ တတ်မယ့်အမျိုးဆိုတော့ အဲ့ဂိမ်းဘက်ကို ခြေဦးမလှည့်ရဲဘူး။
အတူတူပဲ အမရေ ကျမလည်း ဝေးတယ် သင်ပေးတဲ့သူတွေ စိတ်ရှည်လို့ရယ်