ဘယ်လိုလဲ Hive ဈေးတက်အုံးမယ် မို့လား

ကိုယ်တွေ မနေ့ညက hive ဈေး
သွားကြည့်သည်။ coinmarketcap မှာ
Hive က $1 ဖြစ်နေသည်။ မျက်လုံးပွတ်ကြည့်၊
နောက်တခါ ထပ်ကြည့် ဘယ်လိုကြည့်ကြည့်
တစ်ဒေါ်လာဖြစ်နေသည်။ ဟုတ်နေပါပြီး
သေချာပါပြီ Hive က $1 ဖြစ်နေသည်။
ဝမ်းသာအားရ ဂရုမှာသွားတင်သည်။

အက်လယ် ကိုယ့်ဆရာတွေ က မလှုပ်။
Delegate နှင့် ပတ်လည်ရိုက်နေကြသည်။
ကိုယ်တွေသာ တယောက်ထဲ ယောက်ယက်ခတ်
နေသည်။ ကိုယ်ရဲ့ wallet သွားကြည့်တော့လည်း
အငြိမ် တန်ဘိုးက တက်မလာပါ။ အင်း
ဟုတ်သေးပါဘူး။ ကိုယ်ဟာကိုယ် ပြန်စစ်ကြည့်မှ
တလောက hive ဈေးနှုန်းမှ HBD ဈေးနှုန်းသို့
ပြောင်းလဲကြည့်ထားမိသည်။

ဒါနဲ့ မကျေနပ်၍ Coingecko မှာ သွားကြည့်သည်။
အဲ့မှာ Hive ဈေးနှုန်းကို မြန်မာကျပ်ငွေဖြင့်
ပြခိုင်းထားသည်။ ထို Coingecko မှာလည်း
Hive ဈေးနှုန်း ကိုးရာကျပ်ကျော်သာပြထားသည်။
တခါတလေများပြောပါတယ် ကိုယ်ဖြစ်စေချင်တာ
က ပေါ်နေသည်။ သို့သော် ဖြစ်စေချင်တာနဲ့
ဖြစ်နေတာ အဲ ပြနေတာက တခြားစီ
ဖြစ်နေတတ်ပေသည်။

HBD ဈေးနှုန်း တဒေါ်လာကို Hive ဈေးနှုန်း
ထင်မှတ်ကာ တယောက်ထဲ အလုပ်ရှုပ်နေခြင်းဖြစ်သည်။
ဂရုမှာ ကိုညီ က Ecency မှာ
Delegate လုပ်သည့်အကြောင်း၊ tag တွဲသည့်
အခါ pgm ကိုတွဲပေးကြရန် ရေးသားထားသည်။
အဆိုပါ pgm tag က မည်သည့် ပိုစ့်အမျိုးအစား
ဖြစ်စေ တွဲလို့ရပါသလား။ ဂိမ်းအကြောင်းပိုစ့်
ရေးမှ တွဲလို့ရပါသလား ဆရာတို့ပြောကြားပေးပါ။

မည်သို့ဆိုစေ ကိုယ်တွေ Hive က ပြားငါးဆယ်
အနီး တဝဲဝဲလည်နေ၍ တော်သေး။ အောက်သို့
ပြုတ်မကျလောက်တော့ဘူး ထင်ပ။ ဒီတခါ
Hive တစ်ဒေါ်လာဈေးကျော်ရင်ဖြင့်
အနည်းငယ်ရောင်းချင်ပါသေး။ ဘယ်လိုလဲ
Hive ဈေးတက်အုံးမယ် မို့လား။

@htwegyi
18-5-2022